EDUSI son as siglas dos novos fondos FEDER (2014-2020) destinados a Estratexias de Desenvolvemento Urbano Sostible e Integrado. Terán unha vixencia de 4 anos e os nosos concellos poden optar a unha axuda de ata 5 millóns de euros. Esta axuda suporá o 80% da inversión estimada, comprometéndose os equipos políticos a reservar orzamento anual para a estratexia. 

A EDUSI é tamén un documento, técnico e sistemático, onde os concellos reflexionan sobre as súas problemáticas (e tamén fortalezas) ao tempo que se comprometen a pór en marcha liñas de actuación coherentes con dita análise. A EDUSI será avaliada, en boa medida, pola súa capacidade de desencadear novas dinámicas territoriais.  No pragmático, a EDUSI é unha oportunidade para deseñar e entre todas o futuro das nosas vilas. Un futuro que comezaramos a imaxinar co proxecto Camiños Seguros do Morrazo; e que agora convertimos co apoio dos concellos en Morrazo Metropolitano, un proxecto que aposta por un Morrazo Intelixente, Sostible e Integrador.